العام

زيادة معدل الحرق بالجسم

اهم ١٠ نصايح لزيادة حرق الدهون :

١- الرياضه على معدة فارغة

الرياضة علي معدة فارغه لها تأثير كبير جدا على حرق الدهون وده نتيجه لعدم توفر الطاقه بالجسم فيلجأ الى استخدام الطاقه المختزنة وهى طبعا الدهون وياريت منزودش الفترة الزمنيه للتدريب الصباحى عن ٤٥ ق ( ك حد اقصى ) عشان نتجنب الارهاق والدوخة نتيجه نقص معدل السكر بالدم .⛹️‍♀️🏋️‍♀️🤸‍♀️

٢- شرب المياه على الريق

اول ماتصحى من النوم وبكميات كبيره كفيل انه يغسل الكليه والكبد والمعدة وكمان بيولد طاقه داخليه لمعادلة درجه حرارة المايه مع درجه حرارة الجسم الداخليه وهى ٣٧ درجه ودة فى حد ذاته سبب قوى لحرق الدهون عرفتو ليه المايه مفيدة 💧💧

٣- شرب القهوة

الكافيين او شرب القهوة طبعا الكافيين غنى عن التعريف فى حرق الدهون عشان كده لو معندكش موانع اشرب فنجان الصبح بس لازم تكون معدتك فيها اى اكل عشان متعملش مشاكل فى المرئ وفنجان بعد العصر عشان تحافظ على معدل الحرق طول اليوم وتزود تركيزك .

4- تناول الخضروات

استخدام النباتات المساعدة قليله السعرات فى نظامك الغذائى هتساعدك جدا فى حرق الدهون زى ( الهليون ، البروكلى ، الفاصوليا الخضرا ، السبانخ )🌱🍃🌾

٥- تمارين الكارديو

الكارديو بعد التمرين ياجماعه مش قبله ، لو بتتمرن حديد يبقى بعد متخلص تعمل ٢٠ د كارديو او تزود على حسب برنامجك عشان اولا تحافظ على طاقتك اثناء التمرين وثانيا تستفيد من عمليه تفريغ العضلات من الجليكوجين ولجوء الجسم واجباره لاستخدام الدهون لانتاج الطاقه .

6- تنظيم الغذاء

تقليل الكاربوهيدرات او النشويات مهم جدا فى اى نظام غذائى هاتخلى جسمك يحرق اكتر واميخزنش طاقه زايده عن حاجته على هيئه دهون .🍟🍟

7- تناول الدهون الصحية

استخدم الدهون الصحية فى اكلك زى ( الافوكادو ، اللوز ، زيت الزيتون ، زبده الفول السودانى ) لانها اول حاجة بتحل محل الدهون الغير صحيه ثانيا بتساعد فى عمليه بناء العضلات وتحسين المزاج وكمان بتديك طاقه تعوضك بيها عن نقص الكاربوهيدرات .

6- زيادة عدد الوجبات

 زياده عدد الوجبات عامل مهم فى تزويد سرعه الحرق لو خليت وجباتك ٦ وجبات صغيره احسن من ثلاثه كبار لاكتر من سبب منهم انك بتقول لجسمك انك مش فى وضع حرمان عشان ميترجمش ده انه يخزن اى دهون يستقبلها و كمان العضله بتحتاج كم معين صغير من الغذا على حسب استيعابها و بترمى الباقى والموضوع ده داخل فيها عوامل كتير زى مقاومه الانسولين و احتياج العضله فى الوقت الحالى فخليك احسن على النظام ده .

9- اليوم الفري

 الوجبه الفرى الاسبوعيه مهمه للناس اللى جسمها بطل يحرق بنفس السرعه اللى بدأ بيها لان اجسامهم بدأت تحس انها دخلت مجاعه او حرمان وفى الحالة دى الجسم بيهدى اللعب شوية عشان طبعا يحافظ على بقاءه ، بس يا جماعه الوجبه دى تكون فى اطار سعراتك اليوميه مش افترا يعنى او فى ناس بتبدع وبتحولها ليوم كامل فرى مش وجبه 😂.

10 – النوم بأنتظام

 النوم المنتظم ده الضلع الثالث من مثلث الصحة لان هرمون النمو بيزيد اثناء النوم العميق والمنتظم وهرمون الانسولين بيقل بس خد بالك عشان تحقق المعادلة دى متاكليش قبل النوم بساعه ونص بالذات نشويات

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
error: لا يمكن نسخ المحتوي
إغلاق